ALTIVOLE - DELIBERA 21-2012 BALDIN CRITICA E NOI RISPONDIAMO

Egr. Consilier Comunal di 'Intioèe

BALDIN Sergio

Capogrupo di “Insieme par 'Intioèe-Lega Nord – PDL”

e,p.c. Al Sior Sindaco del Comun di 'Intioée

e,p.c. Al Sior Evelino Siori

Ogeto: Deibéra Comun de 'Intioée n.21/2012 – Variante urbanistica dita Artuso Toée. Risposta a dichiarassion publica Consiglier Baldin.

Egr. Consilier Comunal Baldin,

acétemo 'a So critica, ch'el gà dito in mezo al consejo comunal del vintinove scorso de giugno e che métemo de seguito, come ciapada dal verbal dea sentada:

paa tradussione de Baldin domandeghè a iu... non vorìa che esl se ofendesse!!

Rispetèmo in pièn quel che dize e anca el fato che ju possa dirlo, ma ghè rispondemo che:

• quèo che fasemo no vol essàr 'na “persecusion” contro il poro Artuso, che tanto el fa par 'Intioèe e tanto ben el riceve da voialtri, a prte ch'el zè 'na importante atività produtiva del nostro nord est
• zè vero che gavèmo dato, dèmp e daremo 'na man ancora al nostro amigo Evelino, ma zè dura credàr che noialtri podèmo “favorir” qualcun, visto che 'e decision lè ciapè voialtri in Consejo Comunal ed in particoèar voialtri dea magioransa che Iù, credo, zè.

Se proprio voèmo parlar de “persecusion” ed intimidassion, Ve dizèmo che 'a dita ARTUSO gà portà in Tribunal par unparvero “dano all'imagine” proprio Evelino, domandando un milion dei euri, par do articoii vegnui forà sui giornaii: chi saria i “persecutori”?

Ve dizèmo co' forsa e senza paura che continuaremo 'a nostra normal atività de controèo e verifica de quanto fazè e farè in Comun de 'Intioèe (come vien fato anche in altri comun vissini, vedi Vedeago par Barcon...); staremo atenti su quèo che fazè col Sportèo Unico dee Atività Produtive, che 'doparè come un levarin per far tanto de pì dè quèo che se pol...

In particoear sul tema in question, Vè dizemo che domanderemo:

• copia dell'ato d'obbligo e del progeto dea pista ciclabie par verificar che no ghe sia dano ae casse del comun, come dize anca Dorino;
• copia de' dove che gavè publicaà, seo gavè fato, 'a variante urbanistica in ogeto come che dizè uficialmente nea deibera 21/2012.

Ve dizo anca che 'sta letera sarà mandada aea stampa e publicada su internet, in direta risposta a quandi dito da Iu in Consejo comunal.

Distinti saèudi

Treviso, 13 lujo 2012

El presidente de Italia Nostra Treviso

Romeo Scarpa